Thursday, 21 January 2016

ஒரு சிலருக்கு தன்னை அறியாமல் பயம் வரக்காரணம் என்ன?

ஒரு சிலருக்கு தன்னை அறியாமல் பயம் வரக்காரணம் என்ன?

ஒரு சிலருக்கு தன்னை அறியாமல் அடிக்கடி பயம் வர காரணம் அவர்களின் ஆழ்மனதில் இருக்கும் பதிவுகளே...ஆம்
சிறுவயதில் இருந்தே அவர்கள் கேட்டு வளர்ந்த பேய் கதைகளும், பார்த்த இறப்புக்களும், பிரிந்த உறவுகளும், தோல்வி அடைந்த உணர்வுகளும், எப்போதும் குறையே கூறும் மனிதர்களின் நட்பும்  அவர்களின் ஆழ்மனதில் பதிவாகி இருப்பதே இதற்க்கு காரணம். ஆழ்மனதிற்கு நன்மை, தீமை என்ற வித்தியாசம் தெரியாது.. சட்டியில் இருப்பது அகப்பையில் வருவது போல ஆழ்மனதில் இருப்பது தன் நினைவாக, செயலாக, சுபாவமாக  மாறி வெளியே வருகிறது. இதனால் அவர்களுக்கு எப்போதும் மனம் அமைதியாக இருக்க வாய்ப்பே இல்லை. அவர்கள் வாழ்க்கையில் ஒவ்வொரு நாளும் பயந்து பயந்தே வாழ்ந்துகொண்டு இருப்பார்கள். தன்னிடம் இருக்கும் நிறையான விஷயங்களை இவர்கள் எப்போதும் உணர மாட்டார்கள். தன்னிடம் எந்த குறை இல்லை என்றாலும் ஏதோ எப்போதும் தன்னிடம் குறைவதாகவே இவர்கள் கருதுவார்கள். இவர்களிடம் எப்போதும் பிற்போக்கு சிந்தனையே ஓங்கி இருக்கும். மொத்தத்தில் இவர்கள் மூளையை அடுத்தவரிடம் எப்போதும் அடகு வைத்து விடுவதே இதற்க்கு காரணம்.
இவர்களுக்கு வாழ்வில் நல்ல மாற்றம் வேண்டும் என்றால் நிறைய சாதித்தவர்களின் புத்தகங்களை நாள்தோறும்  படிக்கவேண்டும். நல்ல முற்போக்கான சிந்தனை உடையவர்களுடன் அடிக்கடி பழகவேண்டும். ஒவ்வொரு நாளும் தன்னிடம் எது எல்லாம் இல்லையோ அதை பற்றி யோசிக்காமல் தான் எப்படி வாழவேண்டும் என்று ஆசை படுகிறோமா அதன் மேல் அதிக கவனம் செலுத்தவேண்டும். பிற்போக்கு சிந்தனை உடையவர்களின் நட்பில் இருந்து விலகிக்கொள்ள வேண்டும்.
வாழ்க வளமுடன்

Tuesday, 19 January 2016

கலியுகத்தில் தப்பு செய்பவரை கடவுள் தண்டிப்பாரா


கலியுகத்தில் தப்பு செய்பவரை கடவுள் தண்டிப்பாரா... அப்படி என்றால் நல்லவர்கள் அதிகமாக கஷ்டபடுவதும், கெட்டவர்கள் நன்றாக வாழ்வதையும் நாம் நடைமுறையில் பார்ப்பது ஏன் ?
தப்பு செய்பவர்களை கடவுள் இன்றோ, நாளையோ, நாலு வருஷம் கழித்தோ அல்லது அடுத்த ஜென்மத்திலோ நிச்சயம் தண்டிப்பார்.
நல்லவர்கள் கஷ்டபடுவதற்கு காரணம் முன் ஜென்மத்தில் அவர்கள் செய்த பாவத்தின் பலனை இந்த ஜென்மத்தில் அனுபவிக்கவே பிறக்கிறார்கள். இந்த ஜென்மத்தில் அவர்கள் செய்யும் நல்ல வினைக்கு ஏற்ப பிற்காலத்திலோ அல்லது அடுத்த ஜென்மத்திலோ நிச்சயம் அவர்கள் வளமாக வாழ்வது நிச்சயம்.
இவ்வுலகில் நாம் தப்பு செய்பவர்கள் நன்றாக இருக்கிறார்கள் என கருதுவது அவர்களின் முன் வினையில் செய்த நல்ல செயல்களே ஆகும். ஆயினும் தற்போது அவர்களின் ஒவ்வொரு செயலின் விளைவுகளையும் அவர்கள் பாவ புண்ணிய கணக்கில் ஏற்றிகொண்டேதான் இருக்கிறார்கள். மனிதனுக்கு தன்னுடைய ஆயுள் காலம் மிகபெரியதாக தெரிகிறது.. ஆனால் கடவுளுக்கோ அது மிகவும் குறைவான காலகட்டமே. பஞ்சபூதங்களின் கூட்டமைப்பான இந்த உடம்பின் இயக்கமே மனிதனின்  அறிவுக்கு எட்டிய நிலை... இதை தாண்டி உயிரின் ரகசியமும், உயிரின் இயக்கமும் இறைவனின் கட்டுப்பாட்டில் இருக்கிறது...உடல் அழியும்..உயிர் அழிவதில்லை...உயிர் ஓர் அணு ...அணு அழிவதில்லை.. உயிர் ஒரு CD போல. அந்த CDயில் அணைத்து செயல்களின் விளைவுகளும் பதிவாகிக்கொண்டே இருப்பதால் அதன் முடிவை இந்த ஜென்மத்தில் மட்டும் மனிதனாகிய நம்மால் பார்க்க, உணர முடியும். ஆனால் நம் அணைத்து ஜென்மங்களின் நிலையும் இறைவன் ஒருவனுக்கே தெரியும். மேலும் நாம் தப்பு செய்தவர் நன்றாக இருக்கிறார் என கருதுவதே தவறு. அறியாமை, அவர்கள் வாழ்க்கையின் மேலோட்டமே நமக்கு தெரிகிறது. மறைமுகமான அவர்கள் வாழ்க்கையின் ரகசியங்கள், அவர்கள் வலிகள், வேதனைகள், உணர்வுகள் பெரும்பாலும் நமக்கு தெரிவதில்லை..
அரசன் அன்று கொல்வான் ...தெய்வம் நி............ன்.......று......கொல்லும் ???


Thursday, 26 November 2015

சிவபிரம்மம்!

சிவபிரம்மம்!

என்னுடைய தாத்தா திரு. சிவ சிதம்பர கருணாநிதி ஜோதிட வல்லுநர். அவருடைய பூர்விகம் காஞ்சிபுரம். மிக சிறந்த பாரம்பரிய ஜோதிடர்.

அவர் வழியில் எனது தந்தை பம்மல் திரு.M S சுப்பிரமணியன் அவர்களும் ஒரு சிறந்த ஜோதிடர். இதை எழுதும்போது அவருடைய வயது  97.  இவர் பல தினசரி நாளேடுகளுக்கும். புத்தகங்களுக்கும்   கதை, கவிதை, கட்டுரை எழுதியுள்ளார். இவர் மிக சிறந்த மேடை பேச்சாளர். அவருக்கு திருக்குறள் சுப்பிரமணியன் என்ற பேரும் உள்ளது.

எனது தந்தை வழியில் M S சிவகுமார் B.A.(Corp). pcp   ஆகிய நானும் கடந்த 15  வருடங்களாக ஜோதிட துறையில் இருந்துவருகிறேன். இந்த ஜோதிட வழியில் நான் கற்றுக்கொண்ட முற்போக்கான விஷயங்களை கலந்து மக்கள் பயன்பெறும் வகையில் எளிமையான பரிகாரங்களும், இறைவழிபாடும், பெயர் மாற்றங்களும், ஆயுள் முழுதும் அணியக்கூடிய ராசிகற்களும், வாஸ்து முறைப்படி வீடு அமைத்து வாழும் விதமாக பயனுள்ள முறையில் ஜாதகம் மற்றும் நியூமராலஜி பலனை அறிவியல் சார்ந்த ஆன்மிக உணர்வுடன்  வழங்கி வருகிறேன்.
எனது இந்த புனித பயணத்தை  எனது குருமார்களின் ஆசியும், எனது உயிரினில் கலந்த எனது தாயின் சூட்சுமுமான உயிரின் அன்பான  ஆசிர்வாதத்தினாலும் எனது தந்தையின் அறிவினானாலும், எனது நல்ல நண்பர்களின் பேராதரவுடன் தொடங்குகிறேன்.

நல்ல எண்ணம்...நல்ல சொல்... நல்ல செயல்....

    

Monday, 23 November 2015

அன்பு



"அன்பிற்கும் உண்டோ அடைக்குந்தாழ் இல்வாழ்கை 
பண்பும் பயனும் அது".
"
அன்பிலார் எல்லாம் தமக்குரியர் அன்புடையார் 
என்பும் உடையார் பிறர்க்கு".
மனிதராக பிறந்த ஒவ்வொருவரும் அன்பை எதிர்பார்கின்றனர் ஆனால் நாம் அன்பை கொடுக்கவே பிறந்திருக்கின்றோம். ஒருவருக்கு அன்பை எதிர்பார்த்து அது கிடைக்காத நேரத்தில் ஏக்கம் வருகிறது. நாளடைவில் ஏக்கம் ஏமாற்றமாக மாறுகிறது. அந்த ஏமாற்றம் கவலை ஏற்படுத்துகின்றது. அந்த கவலை கோபத்தை உருவாக்குகிறது. நாள் பட்ட கோபம் வஞ்சத்தை உருவாக்குகிறது. இதனால் குடும்பத்தில் கருத்து வேறுபாடு உருவாக்குகிறது. இந்த கருத்து வேறுபாட்டால் குடும்பத்தில் பிரிவினை ஏற்படுகின்றது. இந்த பிரிவினை உயர்வு தாழ்வு மனப்பான்மையை ஏற்படுத்துகின்றது. இந்த மனப்பான்மையால் வாழ்க்கையில் நிம்மதி தொலைந்து போகிறது. 
நாம் மற்றவரிடத்தில் அன்பை எதிர்பார்க்காமல் அன்பை கொடுக்க பழகிகொண்டால் அந்த அன்பு மற்றவருக்கு மகிழ்ச்சியை தருகிறது. இதனால் நமக்கு மன நிறைவு ஏற்படுகின்றது. நாம் அன்பை எதிர்பார்க்காமால் மற்றவருக்கு அன்பை கொடுப்பதால் நமக்கு ஏக்கம் வர வாய்ப்பில்லை. ஏக்கம் இல்லாததால் ஏமாற்றம் ஏற்பட வாய்ப்பில்லை.இதனால் கவலை இல்லை. கவலை இல்லாததால் கோபம் இல்லை. கோபம் இல்லாததால் வஞ்சம் இல்லை. வஞ்சம் இல்லாததால் கருத்து வேறுபாடு இல்லை. இதனால் பிரிவினை இல்லை. இதனால் உயர்வு தாழ்வு மனப்பான்மை இல்லை. இதனால் வாழ்க்கையில் எப்போதும் மகிழ்ச்சியான சூழ்நிலை உருவாகும்.

அம்மா

அம்மா ... உனக்கு நிகர் இவ்வுலகில் எதுவும் இல்லை. நீ இல்லாத போது இதை உணர்கிறேன் அம்மா
என் அம்மா ..பொறுமையின் மறு உருவம்
அனைத்தும் நீயே என்று நினைத்த காலங்கள் மாறி போயின ....
பள்ளிக்கு செல்லும் போதும் திரும்பி வரும் வரை எப்போதும் உன் ஞாபகம் .,.....
கருவறையில் உன் காற்றை சுவாசித்து
நீ உண்ட உணவை உண்டு
உன் உதிரத்தில் இருந்து பிரியும் பாலை உண்டு
உன் அன்பை சதா சர்வ காலமும் பெற்று
பசிக்கு உனக்கு சோறு இல்லாத  நேரத்திலும் எங்கள் பசியாற்றி
படிப்பை முடித்து, பட்டதாரி ஆகி, பணியில் சேர்ந்து சம்பளம் வாங்கி
அனைத்தையும் உன்னிடம் சமர்ப்பணம் பண்ணி மகிழ்ந்த காலங்கள் மறைந்து போயின அம்மா
சிறு வயதில் உனக்கு மார்பு வலி அடிக்கடி எடுக்கும் போதெல்லாம்
என் உடல் முழுதும் பயம் கவ்வி கொண்டு நீ இல்லாத இந்த உலகத்தையே வெறுத்த காலங்கள் ஏராளம்.
நீ இல்லையேல் நான் இல்லை என்ற காலம் மாறி போனது அம்மா
இன்று நீ என்னுடன் இல்லை அம்மா
நீ என்னை விட்டு பிரிந்து ஒரு வருடம் ஓடிவிட்டன அம்மா
 ... ஆம் உன் உடல் தான் இல்லை
ஆனால் ஒவ்வொரு நொடியும் நீ என்னுடன் வாழ்ந்துகொண்டே இருக்கிறாய் அம்மா..
உயிர் அழிவதில்லை. உன் உயிர் என்னுடனே கலந்து விட்ட நினைவில்... நம்பிக்கையில்...
என்றும் உன் அன்பை மறவா உன் ஆசை மகன்....
நீ நினைத்த வாழ்க்கையை வாழ முயற்சிக்கிறேன் அம்மா 
நீ வாழ்ந்த பொறுமையை கடைபிடிக்கிறேன் அம்மா
யாருக்கும் தீங்கு நினைக்காத உன் உள்ளத்தை பின்பற்றுகிறேன் அம்மா ...
நல்லதை சொல்கிறேன்... நல்லதை செய்கிறேன்.. நல்லவனாக வாழ முயற்சிக்கிறேன் அம்மா...
உன் பிரிவால் வாடாமல் உன் வார்த்தையை வேத வாக்காக நினைத்து என் உயிர் இருக்கும் வரை அனைவருக்கும் நல்ல ஆற்றல் கொடுக்கும் மகானாக இல்லாவிட்டாலும் மனிதனாக வாழ உன் ஆசிர்வாதத்துடன் முயற்சிக்கிறேன் அம்மா..
"வேதம் சொல்லாததை மரணங்கள் சொல்லும்"

அழகு



நம் அழகை அடுத்தவர் நம்மை ரசிப்பதாலும். வர்ணிப்பதாலும் ஏற்படும்    'அழகு உணர்வு'  தற்காலிகமானது .......
நம் அழகை நமக்கு நாமே ரசிப்பதால் ஏற்படும் 'அழகு உணர்வு' நிலையானது........
நம் அழகை ஆயிரம் பேர் ரசித்தாலும் நாம் நம் அழகை உணரவில்லையெனில், ரசிக்கவில்லையனில் அது நிச்சயம் "அசிங்கமான அழகு" ....

கொஞ்சம் சீரியசாக நினைத்து பாருங்கள்



"என்ன வாழ்க்கை..1 நிமிடம் .கொஞ்சம் சீரியசாக நினைத்து பாருங்கள் "
*ஒரு பக்கம் பணம், பேர், புகழ், அந்தஸ்து நோக்கி நாம் ஓடிகொன்டிருக்கிறோம்.
*
மறு பக்கம் நம்முடன் வாழ்ந்த நண்பர்கள், உறவினர்கள், மூத்தவர்கள் *நம்மை விட்டு இறந்து மறைந்துகொண்டே இருக்கிறார்கள்.
*
நமக்கும் வயது ஏறிக்கொண்டே இருக்கிறது...
*
நமது உடல் அழிந்தாலும் .. உயிர் அழியாது..
*
உயிரின் சான்றாக அறிவு...
அறிவோடு நல்ல முற்போக்கு சிந்தனையை வளர்த்து நமக்கும், அடுத்தவருக்கும் பயன்படி வாழ்ந்தால் நாம் அழிந்தாலும் அந்த "அறிவு" பேச்சாலும், எழுத்தாலும், அனுபவத்தாலும், நமது குழந்தைகள், நண்பர்கள், நம் பழகிய சமூகத்தினர் மூலமாக வாழ்ந்துகொண்டே இருக்கும்